
ललितपुर। चिनी उद्योगीले चिनीको कारखाना मूल्य ७८ रूपैयाँ १० पैसा बनाएका छन्। सरकारले उखुको मूल्य बढाएको भन्दै उनीहरुले चिनीको मूल्य ६३ रुपैयाँबाट बढाएर ७८ पुर्याएका छन्।
सरकारले उखुको मूल्य ४ सय ७१ रुपैयाँ तोकेपछि चिनी उद्योग सङ्घले चिनीको मूल्य निर्धारण गरी उद्योग वाणिज्य तथा आपूर्ती मन्त्रालयमा पठाएको थियो।
सरकारले अघिल्लो साता उखुको मूल्य प्रतिक्वीन्टल ४ सय ७१ रुपैयाँ २८ पैसा तोकेको थियो। सोही मूल्यको आधारमा आफ्नो लागतसहित चिनीको एक्स फ्याक्ट्री मूल्य निर्धारण गरेको सङ्घले जानकारी दिएको छ।
उखुको मूल्य बढेको मौका छोपी उनीहरुले मूल्य बढाएका छन्।