काभ्रेपलाञ्चोक। बनेपामा कुखुरा पालन सम्बन्धी एक दिने तालिम सम्पन्न भएको छ । ए.बि. प्यालेट फिड प्रा.लि. र जयमाता चण्डेश्वरी सप्लायर्सको संयुक्त आयोजनामा मंगलबार बनेपा नगरपालिका – ७, मा उक्त कार्यक्रम आयोजना गरिएको हो। कार्यक्रममा ए.बि. प्यालेटका संचालक बलराम संजेल, बनेपा नगरपालिकाका प्रमुख शान्ति रत्न शाक्य, उप – प्रमुख विमला सापकोटा दाहाल र बनेपा नगरपालिका वडा नम्बर ७ का वडाध्यक्ष हिटलर शाक्य एवं पशु चिकित्सकहरुको सहभागीता थियो ।
कुखुरा पालनमा लागेका कृषक एवं लाग्न चाहने किसान एवं व्यवसायीहरुलाई लक्षित गरी आयोजना गरिएको कार्यक्रममा कुखुरा पालन गर्दा ध्यान दिनु पर्ने सम्पूर्ण विषयवस्तुको बारेमा प्रस्तुतिकरण मार्फत जानकारी गराईएको थियो ।
तालिममा काभ्रेपलाञ्चोक जिल्लासहित काठमाडौं, ललितपुर, भक्तपुर, सिन्धुलीलगायत विभिन्न स्थानबाट ६० जना भन्दा बढीको सहभागीता रहेको थियो ।
