यही अनुत्तरित प्रश्नको जवाफ वैज्ञानिकहरुले ठोस प्रमाणसहित पत्ता लगाएका छन् । सो प्रमाण अघि सार्दै वैज्ञानिकहरु भन्छन्, ‘कुखुराको उत्पति पहिले भयो, अनि त्यसले अण्डा दियो ।’
ब्रिटिश वैज्ञानिकहरु भन्छन्, ‘हामीले ठोस प्रमाण पत्ता लगाएकाछौं, धर्तिमा अण्डाभन्दा पहिले कुखुराकै उत्पत्ति भएको हो ।’ इंग्ल्याण्डको शेफिल्ड तथा वारविक यूनिभर्सिटीका अनुसन्धानकर्ताहरुले अण्डाको जाँचबाट यस्तो निष्कर्ष निकालेका हुन् ।
वोक्लेडिडिन -17 (OC-17 नामको प्रोटीनले अण्डाको खबटा बन्न विशेष भूमिका निभाउने कुरा वैज्ञानिकहरुलाई पहिले देखि नै थाहा थियो । अहिले आएर त्यो प्रोटीनको स्रोत पनि पत्ता लागेको हो । जब क्याल्सियम कार्बोनेटसँग OC-17 मिल्छ, तब अण्डाको खबटा बन्छ ।
अण्डै नबनी कुखुरा कसरी त ?
प्रोफपेसर जोन अर्डिङ भन्छन्, ‘कुखुराको अण्डाको खोल कसरी बन्छ, यो पत्ता लगाउँदा साँच्चै अनौठो अनुभव भयो । यसबाट अब बाटो खुलेको छ, अब अण्डाजस्तै अन्य कुनै पदार्थ बनाउनका लागि यसले मद्दत पुग्नेछ । प्रकृतिले विज्ञान र टेकनिकको मेलबाट हरेक तरहको समस्याको समाधान निकाल्छ ।
