ललितपुर। चिनियाँ कम्पनीको सहयोगमा गाईपालन परियोजना सञ्चालन हुन लागेको छ । चीनको सिएएमसी इञ्जिनीयरिङ कम्पनी लिमिटेडको सहयोगमा गाइपालन परियोजना सञ्चालन हुन लागेको हो । परियोजना सञ्चालनका लागि तनहुँको शुक्ला गण्डकी नगरपालिका–१२ मा अध्ययन गरिएको छ ।
गण्डकी प्रदेशका निमित्त प्रमुखसचिव गणेश पाण्डे, भूमि व्यवस्था कृषि तथा सहकारी मन्त्रालयका सचिव अच्युत ढकाल, गण्डकी काउ फार्म एण्ड रिसर्च सेन्टरका पदाधिकारीसहितको टोलीले परियोजना सञ्चालनस्थल अवलोकन गरेको छ ।
गण्डकी काउ फार्म एण्ड रिसर्च सेन्टरका सदस्य हर्क गुरुङका अनुसार टोलीले परियोजना सञ्चालनस्थल, त्यहाँको भूगोल, सम्भाव्यता एवं चुनौतीलगायतका विषयमा जानकारी लिएको थियो ।
शुक्लागण्डकी नगरपालिकाका झग्रेडाँडा, जाउनेपन्ध्रे, झर्लाङी, चुनीडाँडालगायतका स्थानमा गाईपालन गर्न लागिएको गुरुङले जानकारी दिए ।
